LP / CD

Sitsak

Musika eta hitzak:
Jon Basaguren. Hauek izan ezik:
“Hamahiru” Glenn Danzig-ek Johnny Cashen-tzat idatzi zuen “Thirteen” kantuaren moldaketa da.
“Herio” Rev. Gary Davis-en “Death don’t have no mercy”-ren bertsio librea.
“Bihotz” Benito Lertxundirena da.

Grabaketa eta nahasketa:
Joseba Baleztena (1, 2, 3, 4). Iñigo Irazoki (5, 6, 7). Víctor Sánchez (8, 9).

Masterizazioa:
Estanis Elorza (1, 2, 3, 4). Jonan Ordorika (5, 6, 7). Víctor Sánchez (8, 9).

Diseinua:
Libe Kortazar.

Disko honetan:
Jon Basaguren: ahotsa, gitarra.
Libe Kortazar: teklatuak, ahotsa.
Dani Arrizabalaga: bateria.
Joseba Baleztena: gitarra (1, 2, 3, 4, 5, 6).
Aitor Agirre: baxua (1, 2, 3)
Danilo Foronda: gitarra (7, 8, 9).
Fede Egiluz: baxua (5, 6, 7, 8, 9)

Sitsak

Inor aditzen ari ez den unean

jartzen dute kanturik ederrena

Merezi ez duten distirek arreta

jan diete, sitsei bezala

 

Hegaka galduta

Argiek nahastuta

 

Heroiz jantzitako iruzurgileen 

atzetik doaz sinetsita

Baina aspaldi ito zen halleluja ederren

abestu zuen eztarria

 

hegaka galduta

erabat nahastuta

 

Hor doaz

Zer da ederra non da egia?

Bihotzez eginak ez du deus balio

Heroiek ere urrea soilik nahi dute

Gose aseezinez egoak hegaka

 

Ausartenak

 

Beste edozein bezain zapaltzailea den 

estatu baten izena du kaleak.

Fruta ustel usaina.

maizterrez josita espaloiak

Plastikozko amets astunen garraioan.

 

Gogo mutilatudunen desfilea.

Orduen araberako isuria da jendea.

 

Eraikinetan deseroso txertatuak 

dirudite saltokiek.

Izan dituzten bizi guztien 

geruza bihozgabeak 

nabari zaizkie

agerian dituzte.

 

Ezin jakin kanpokoa  den ala barrukoa 

beirateen zikina,

Eta batzuen begiradena

 

Denda barruetara ezkutatzen dira

egin gabe negar egitera.

Ausartenak ere ez baitu hemen

beldur adina kemen.

 

Hamahiru

 

Zoritxarreko haizeak gidaturik nabil.

Gaitz ororen atzean beti nago ni.

Hamahiru zenbakia tatuatua daukat.

Zerrenda luzean dira nik hautsitako biziak.

 

Miseriaren altzoan jaio nintzen,

ez daukat izenik.

Hamahiru zenbakia eman zidaten bakarrik.

 

Bihotza urraturik aurrera noa.

Ez so egin niri, ez begiratu atzera.

Hamahiru zenbakia tatuatua daukat.

Hemendik infernura doaz nik hildakoak. 

 

Aitortu nion beleari egindakoa,

baina berriz erori naiz: betiko jokoa.

Zoritxarreko haizeak gidaturik nabil.

Gaitz ororen atzean beti nago ni.

 

Herio

 

Heriok ez du errukirik hemen.

Gauez sartu zaigu etxera

eta ama zendu da.

Heriok ez du errukirik hemen.

 

Eta ez du atsedenik hartzen hemen.

Heriok ez dauka oporrik hemen.

galdetu ospitaleetan

arreta jarri kaleetan.

Heriok ez dauka oporrik hemen.

 

Heriok ez daki gupida zer den.

Greban zaude eta bat-batean

gorpu zara zaramagan.

Heriok ez daki gupida zer den.

 

Herio ondo dakigu guk nor den.

Desberdinkeria ariman,

eta kapitala begietan.

Sistema dago azkenetan,

eta osasun gastua trenetan.

Edonor zapaltzeko nahia,

hurrengo lehendakarigaia.

Herio ondo dakigu guk nor den.

 

OASIA

 

Nora itzuli oraingoan, 

geunden lekua bazen arazoa?

Euren pozoinez hiltzera doazen

sugeak baino ez gara hemen.

 

Sirena hotsen erritmoan,

arrakalez jositako oasi honetan.

 

Gezur olde pean.

 

Kalte-orbain epiko bana,

amaieran jasoko dugun bakarra.

Eta inguru hau bonba zelai bat da

bizi gaituzten amets guztientzat.

 

GORPUTZ-ADAR MAMUA

 

Egia izugarria da, baina egia ere bada.

Ez ahaztu pozik jarraitzea, bizitza itxarongela bat ez balitz bezala.

 

Eta urrunegi joan behar da zerbait aurkitzeko.

Erdibidea bertan dago.

 

Errazago ateratzen da labirintotik 

lerro zuzenetik baino,

bide bakarretik baino.

Dena korapilatsu margotu duzue 

begi daltoniko hauentzat.

Aro berri bat nahastera zoazte

baina seguru ez guretzat.

 

Gorputz-adar mamu batek bezala

min ematen du noizbait aske sentitu izanak.

Gertatzen al zaizu?

 

Lurrunduko dira

 

Inguratzen gaituen guztia

Kartoi-harriz eraiki da.

Gure ezinegonean

egonkortu gara,

desagertu gara.

 

Arauak estu kalean.

Lege itsuen artean

Itotzear, erotzear,

eztandaren atarian.

Egonkortu gara,

desagertu gara.

 

Baina bihotz goibel-itzaliak

isilka okupatzera goaz.

Aurreiritzi diruz lagunduak

lurrunduko dira.

 

Oinak lurrean

 

Hau da urte berria?

beti bezain zahar darrai.

Minez eta iguinez esnatu naiz.

Egia handiegia

irensteko ez naiz gai.

zalantzak prest dauzkat noiznahi.

 

Beldurrari beldur

ametsak ondo mugatu

Itaca-k mapatik kendu.

Sinetsita dugun

zerutik ezin zaio

zeruari…

 

Oinak lurrean beti!

Hori agindu digute

eta guk indarrez bete.

Hain gogor ezen gorputza

astiro hondoratu den

lurpean bizi arte.

 

Beldurrari beldur

ametsak ondo mugatu

itacak mapatik kendu

zentsura lagun beti!

Sinetsita dugun

zerutik ezin zaio

zeruari…

Begiratu.

 

Otsoek hezi gaituzte

isiltasuna goratuz,

geldi egotea eta

egonkortasuna nahastuz.

 

Bihotz